TIREK.ZHETYSU-GOV.KZ

Жаңа пайдаланушыны тіркеу

Логин:

E-Mail:

Пароль:

Парольді қайталау:

Пайдаланушы келісімі:

ПАЙДАЛАНУШЫЛАР  КЕЛІСІМІ

Алматы облысы әкімінің «tirek.zhetysu-gov.kz» ресми сайтының «Өңірлік бизнесті қорғау» арнайы бөлімін пайдаланудың негізгі шарттары, тараптардың құқықтары мен міндеттемелері  туралы

1. Келісімнің мәні

Аталған келісім тексеруші, бақылаушы және құқық қорғау органдарының өкілдері тарапынан өз құқықтары мен заңды мүдделері бұзылуының нақты фактілері бойынша шағымдармен, мәлімдемелермен және ұсыныстармен Алматы облысы әкімінің «tirek.zhetysu-gov.kz» ресми сайтының «Өңірлік бизнесті қорғау» арнайы бөліміне жүгінген Қазақстан Республикасының аумағында кәсіпкерлік қызметті жүзеге асыратын (жеке және заңды) тұлғалар (бұдан әрі – Пайдаланушылар) мен Алматы облысы әкімінің баспасөз қызметі атынан аталған сайттың бөлімі әкімшілігі (бұдан әрі – Сайт әкімшілігі) арасындағы қатынастарды реттейді.

Сайт әкімшілігі орналастырылған өтініштерді өңдемейді және олардың мазмұны үшін жауапкершілік алмайды.
Сайттың арнайы бөліміне өтініш орналастырған Пайдаланушы өтініште айтылған үшінші тұлғалардың ар-намысын, қадір-қасиетін, іскерлік беделін, басқа да құқықтары мен заңды мүдделерін қозғауы мүмкін ақпаратты орналастырумен байланысты туындайтын өз мүдделерін дербес білдіреді және қорғайды.
Пайдаланушы Келісімнің шарттарымен келіскенін білдіріп, «Осы шарттармен таныстым және оларды қабылдаймын» деген түймесін басып растаған сәттен бастап күшіне енеді.

2. Ұсынылатын қызметтер

Сайттың әкімшілігі Қазақстан Республикасының Президенті Н.Ә.Назарбаевтың 2010 жылғы 26 ақпанда Қазақстан Республикасы Президентінің жанындағы Кәсіпкерлер кеңесінің бірінші жалпы отырысының барысында берген тапсырмасын іске асыру мақсатында Пайдаланушыларға құқық қорғау органдарының, сондай-ақ бақылау және қадағалау функцияларын жүзеге асыратын мемлекеттік органдардың құқыққа қайшы әрекеттерінің барлық фактілері туралы сайттың арнайы бөлімінде өтініш орналастыруына мүмкіндік береді.
Сонымен қатар судьялардың әрекеттеріне және олардың актілеріне шағымданудың заңнамалық актілермен белгіленген тәртібін ескере отырып, Пайдаланушылардың осы мәселелер бойынша өтініштері сайттың арнайы бөліміне орналастыруға жатпайды.
Пайдаланушылардың өтініштерін Қазақстан Республикасы Президентінің немесе Қазақстан Республикасының Президенті Әкімшілігі басшылығының тапсырмасы бойынша Қазақстан Республикасының тиісті мемлекеттік органдары қарайтын болады. Бұл ретте Президент Әкімшілігі мемлекеттік органнан қанағаттанғысыз жауап алған жағдайда Республика Президентінің немесе Республика Президентінің Әкімшілігі басшылығының тапсырмасы бойынша басқа да мемлекеттік органдар мамандарын тарта отырып, Президент Әкімшілігі өкілдерінен тұратын арнайы комиссия құрып, өтінішті қайталап тексеру үшін оған жібере алады.
Пайдаланушы ақпаратты Сайт әкімшілігі айқындаған мәтіндік форматта ұсынуы тиіс.
Пайдаланушы өзі орналастырған ақпараттың іздеуіш және басқа да автоматтандырылған сервистер және өзге де тәсілдер пайдаланылып, яғни басқа адамдар қарай алуы мүмкін екенін ұғынуы және мұнымен келісуі тиіс.

3. Келісімнің шарттары

Сайттың арнайы бөлімінде мыналарға қатысты ақпаратты: 
- заңсыз, зиянды, қоқан-лоқы жасайтын, үшінші тұлғалардың адамгершілігін, ар-намысы мен қадір-қасиетін, құқықтарын және заңмен қорғалатын мүдделерін қорлайтын, жала жабатын, авторлық құқықты бұзатын, өшпенділікті, қатыгездікті, күш көрсетуді және/немесе адамдарды нәсілдік, этностық, жыныстық, әлеуметтік белгілері бойынша кемсітуді насихаттайтын, діни, нәсілдік немесе ұлтаралық алауыздықты өршітуге ықпал ететін, жануарларды қинайтын не жауыздық көріністерінен тұратын және Қазақстан Республикасы заңнамасымен таратуға тыйым салынған басқа да материалдарды;
- азшылықтың құқықтарына қысым жасалатын материалдарды;
- Пайдаланушы заң бойынша немесе қандай да бір келісімшарттарға сәйкес қолжетімді етуге құқығы жоқ материалдарды;
- қандай да бір патентті, сауда маркасын, коммерциялық құпияны, копирайт немесе басқа да меншік құқытарын және/немесе  үшінші тараптың авторлық және олармен сабақтас құқықтарын қозғайтын материалдарды;
- арнайы түрде рұқсат берілмеген жарнама ақпаратын, спамды,   «пирамидалар», «бақыт хаттары» сияқты түрлі схемаларды және басқаларын;
- кез келген компьютерлік немесе телекоммуникациялық жабдықтың немесе бағдарламалардың жұмыс істеуіне нұқсан келтіруге, жоюға не шектеуге, рұқсат берілмеген қол жеткізуді жүзеге асыруға арналған компьютерлік кодтары бар материалдарды, сондай-ақ коммерциялық бағдарламалық өнімдердің сериялық нөмірлерін, логиндерді, парольдер мен Интернеттің ақылы ресурстарына рұқсат берілмеген қол жеткізуді алатын басқа да құралдарды;
- басқа пайдаланушылардың дербес деректерін жинауға және сақтауға бағдарланған материалдарды;
- жарнамалық, коммерциялық немесе насихаттық сипаттағы жазбалардың келісілмей берілуін;
- ішімдікті, темекіні, есірткіні және Қазақстан Республикасының заңнамасында тыйым салынған  басқа да заттарды жарнамалауды;
- Қазақстан Республикасының мемлекеттік құпияларын құрайтын материалдарды орналастыруға жол берілмейді. 
Сайттың арнаулы бөлімін Қазақстан Республикасының заңнамасын, сондай-ақ халықаралық келісімдерді  қасақана бұзу мақсатында пайдалануға тыйым салынады.

4. Пайдаланушының құқықтары мен міндеттері
 
1. Пайдаланушының:
1) сайттың арнаулы бөлімінде заңдарды және өзге де нормативтік-құқықтық актілерді бұзу, өтінішті қарайтын субъектілердің, лауазымды адамдардың жұмысындағы кемшіліктер туралы мәтіндік хабарламаны не олардың қызметі туралы сынды орналастыруға құқығы бар;
2) қайталап өтініш жасауға, онда:
- алдындағы өтініш бойынша қабылданған шешімге шағымдануға;
- бұрын жолданған хабарламаның келіп түскен уақытынан бастап белгіленген қарау мерзімі өтіп кеткен, бірақ Пайдаланушы жауап алмаған болса,  оның уақытында қаралмағаны туралы хабарлауға;
- алдындағы өтініштің қаралуы мен шешілуі кезінде жол берілген басқа да кемшіліктерді көрсетуге құқығы бар;
3) «Жеке және заңды тұлғалардың өтініштерін қарау тәртібі туралы» Заңда көзделген тәртіппен жазбаша өтініш жасауға құқығы бар. Яғни,   сайттың арнаулы бөліміне жүгіну Пайдаланушының аталған Заңда берліген өтініш жасау мүмкіндігін пайдаланудың заңды құқығынан айырмайды;
4) Пайдаланушының Сайт әкімшілігіне өз өтініші туралы мәліметтерді жариялауға өтінуге құқығы бар, олай айтылмаса, олар басқа Пайдаланушылар мен сайт бөліміне кірушілерден әрдайым жасырын тұрады.

2. Пайдаланушы:
1) өтініште – тегін, атын, сондай-ақ қалауы бойынша әкесінің атын, почта мекенжайын, электрондық почта мекенжайын, телефонын көрсетуге міндетті. Пайдаланушы – заңды тұлға, бұдан басқа, ұйымның атауын, почта мекенжайын, электрондық почта мекенжайын, ұйымның телефонын көрсетуге тиіс;
2)  шағым бергенде іс-әрекетіне шағым жасалып отырған мемлекеттік органның атауын немесе лауазымды адамдардың лауазымын, тегін, аты-жөнін, өтініштің негіздемесі мен нақты талаптарын көрсетуге міндетті. Өтініште мәселенің мәні нақты баяндалуға, қажет болғанда құқықтары мен заңды мүдделері бұзылуының фактісі орын алған уақытты, орынды, басқа да

жағдаяттарды, сондай-ақ оның толыққанды әрі әділ қаралуы үшін қажетті өзге де ақпаратты қамтуға тиіс;
3) пайдаланушы өтініште қамтылған ақпараттың дәйектілігі үшін түгелдей дерлік жауапкершілікті Қазақстан Республикасының заңнамасына сәйкес  өзіне алатынын түсінуге тиіс және сайттың арнаулы бөлімін жеке және заңды тұлғалардың құқықтары мен заңды мүдделерін, сондай-ақ қоғам мен мемлекеттің мүдделерін бұзу үшін пайдаланудан аулақ болуға міндетті.

5. Сайт әкімшілігінің құқықтары мен міндеттері
 
1. Сайт әкімшілігінің:
1) жекелеген хабарламаларды немесе жекелеген IP-мекенжайды немесе мекенжай топтарын, олардың иеленушілері немесе Пайдаланушылар осы Келісімнің талаптарын не Қазақстан Республикасының заңнамасын сақтамаған жағдайда біржақты тәртіппен алып тастауға;
2) иесі көрсетілмеген өтініштерді алып тастауға құқығы бар. Егер мұндай өтініште дайындалып жатқан немесе жасалған қылмыстар не мемлекеттік немесе қоғамдық қауіпсіздікке төнетін қатер туралы мәліметтер болса, ол сайттың бөлімінен алып тасталады, бірақ тиісті ақпарат мемлекеттік органдарға олардың құзыретіне сәйкес  жіберілетін болады;
- мәселенің мәні баяндалмаған өтініштерді алып тастауға;
- осы Келісімнің нысанына жатпайтын мәселелер жөніндегі өтініштерді алып тастауға;
3) өтінішті мәні бойынша қарауда құндылығы бар, бірақ басқа адамдардың құқықтары мен заңмен қорғалатын мүдделерін, сондай-ақ құпия мәліметтерді не мемлекеттік құпияларды немесе заңмен қорғалатын өзге де құпияны қамтитын болса, өтініштегі жекелеген ақпаратты басқа Пайдаланушылардан және сайт бөліміне кірушілерден жасыруға;
4) қажетті жағдайда өтінішті қараудың белгіленген мерзімін ұзартуға;
5) осы Пайдаланушы келісімінің жекелеген ережелерін біржақты тәртіппен өзгертуге құқығы бар.

2. Сайт әкімшілігі:
1) Қазақстан Республикасының заңдарында көзделген жағдайларды қоспағанда, Пайдаланушылардың келісімінсіз олар туралы жеке ақпарат таратпауға;
2) өтініш жасау фактісін немесе ол туралы, оның жеке деректері мен басқа деректемелерді басқа Пайдаланушылардан және сайт бөліміне кірушілерден жасыруға індетті. Пайдаланушының қалауы бойынша өтініш туралы мәліметтерді ғана жариялауға;
3) жеке тұлғалардың, оның ішінде заңды тұлғалардың атынан өкілдік ететіндердің келісімінсіз олардың жеке өмірі туралы мәліметтерді немесе мемлекеттік құпияларды құрайтын мәліметтерді не заңмен қорғалатын өзге де құпияны таратпауға, жеке тұлғаның өтінішке қатысы жоқ жеке басы туралы деректерді орналастыруға жол бермеуге;
4) үш күн мерзімде өтініштің мәнін зерделеп, өтінішті мәні бойынша қарайтын мемлекеттік органды айқындап, бұл туралы Пайдаланушыны хабардар етуге;
5) өтініш келіп түскен күнен бастап бір ай ішінде Пайдаланушыға оның өтінішін тиісті мемлекеттік органдардың қараған қорытындылары мен қабылдаған шаралары туралы ақпаратты сайттың бөліміне орналастыра отырып,  хабарлауға міндетті. Бұл ретте мұндай ақпарат азаматтардың, қоғам мен мемлекеттің құқықтарына және заңмен қорғалатын мүдделеріне залал келтіруі, мемлекеттік құпияларды не заңмен қорғалатын өзге де құпияны құрайтын ақпаратты қамтуы мүмкін жекелеген жағдайларда Сайт әкімшілігі мәселе қаралып, Пайдаланушыға тиісті жауап берілгені туралы ақпаратпен ғана шектеліп, Пайдаланушыға берілген жауапты сайт бөліміне орналастырмау құқығына ие бола алады. Ондай жағдайда Пайдаланушыға «Жеке және заңды тұлғалардың өтініштерін қарау тәртібі туралы» Заңда айқындалған тәртіппен жазбаша жауап берілуге тиіс;
6) өтінішті қарау мерзімі ұзартылған жағдайда, Пайдаланушыға жауап берілетін жаңа мерзім туралы хабардар етуге міндетті.

Пайдаланушы келісімімен келісемін

Кіру

	Тіркелу
	Паролді ұмытып тұрмын

Сілтемелер

Алматы облысы әкімінің сайты